Frukost på hotellet. I dag skal vi gjere oss betre kjende i området vi skal opphalde oss denne veka,- Opatija og omegn. Med oss på vandringane vert ein lokalguide i tillegg til vår reiseleiar.
Opatija er eit flott  turistmål som ligg i sentrum av rivieraen. Byen har lang tradisjonen for turisme i Kroatia og vart grunnlagd  i starten av 1900-tallet. Den har ikkje endra seg så mykje sidan den gong. Her finn vi velhaldne offentlege hagar og ein opplyst 12 km lang kystpromenade, kjent som «Lungomare». Strendene og alle fontenene er eit fantastisk bakteppe for flotte villaer og hotell som årleg tek i mot mange gjester.

Lungomare går langs sjøen frå Volosko, den første byen vest for Rijeka og heilt til Lovran. Den femnar om  kysten langs Opatija, Icici og Ika, og er eit bindeledd som knyt saman desse byane. Med havet på den eine sida og fjella på den andre, går stien forbi strender, marinaer, kafear, restaurantar og villaer frå 1800-tallet. Lungomare vert mykje nytta av lokalbefolkninga heile året. Turen vi skal gå tek om lag  1,5 timar (ca. 6 km) i kvar retning. Lunsj vert servert på en av dei lokale restaurantane.  Etter lunsj returnerer vi til Opatija. Det vert felles middag på hotellet om kvelden.

Frukost på hotellet. Deretter er det transport til Nasjonalparken Risnjak der vandringa startar.

Frå  Opatija til parken brukar vi ca. ein time med buss og fotturen tek ca. 4,5 timar.
Nasjonalparken Risnjak er vakker. Her ser vi enger som badar i sola, mange flotte idylliske
elvar og praktfulle åsar og fjell. I alt eit fantastisk landskap året rundt..
Isnjak-massivet skil seg  tydeleg  ut frå den grøne fjellskogen takka vere den kvite bergartar.
Herifrå er det vakker utsikt som strekkjer  seg frå 1528 m over havet, over Kvarner-bukta, Istria og Julian-Alpane i nabolandet Slovenia. Lunsj i dag vert medbrakt lunsj frå hotellet.
Middag på hotellet på kvelden.

Frukost på hotellet før den siste vandringa denne veka i fjellpartiet Ucka
Køyretid frå Opatija til startpunkt  er ca.  30 minuttar.
Učka er det einaste fjellet i Dinaric fjellkjeda som strekkjer  seg nordaust- sørvest. Dei bratte fjellsidene viser ulike bergartar, skog og grassletter, og kan by  på spektakulær utsikt frå toppen. Det er også ein del busetnad i nærleiken av vasskjeldene og sjøen. Učka er unik og spesiell. Fjellet er like flott å sjå frå innlandet i Istria, Rijeka eller Gorski Kotar, samt frå øyane Kvarner. Sjølvsagt er det endå vakrare å utforske fjellet slik vi skal gjere under vandringa. Det er fint å gå og heile Učka er samanvevd med eit nettverk av fjellstiar.
Dette området har vore besøkt av tilreisande forskarar i mange år. Den første registrerte oppstigninga av Ukaka topp vart gjort i år 1722 av Zanichelli. Han var en botanikar frå Venezia, og mange botanikar og geologar kom frå ulike land til Učka for å utforske fjellet sin interessante og unike vegetasjon.Turen vil ta ca. 3-4 timar. Det vert lunsj før retur til  Opatija og hotellet vårt. Felles middag på kvelden.

Etter frukost har vi enno nokre timar før transferbussen tar oss tilbake til flyplassen i Pula og heimreise til Norge. Det kan vere aktuelt å ta ein spontan tur med reiseleiar eller berre slappe av.
Flyet har avg. Kl. 21.15 og landar på Gardermoen kl. 23. 55