Kombinasjon Hurtigrute og fly

9 dagarstur,
med utflukt til Russland
27. april – 5. mai 2020

  • Dato

    27.04.2020

  • Lokasjon

    Norge

  • Avreise frå

    Bergen

  • Lengd

    9 dagar

  • Pris

    Kr. 16.150.-

 

I over 125 år har Hurtigruta segla langs norskekysten. Vi seglar frå Bergen 27. april og får med oss våren langs kysten. Vi går mot den lyse årstida, landskapet skifter frå sør til nord, nokre stader er våren komen, og lenger nord er det gjerne litt att av vinteren.
Saman med landskapet vi passerer, er det dei mange variasjonane av alt du ser og høyrer som gjer dette til ei reise utanom det vanlege. På denne turen reiser vi saman med dei som reiser på Vårturen, rundreise med MS Trollfjord. Vi takkar for selskapet i Kirkenes og stoggar eit par dagar her.
Første dag er vi i Kirkenes og gjer oss litt kjende. Måndag 4. mai skal vi på utflukt til Russland, Pechenga- Nikel og Zapolyarny
Siste dag tek vi fly frå Kirkenes til Oslo , derifrå er det valfri heimreise.
Bli med på ei reise som vil gje deg minne for livet!.

Frist for påmelding er 1. februar 2020

Foto produktbilde: Helena Lundberg

Om du ønsker kan du bestille reisa direkte her, eller ta kontakt for meir informasjon på Travelnet Fjordane Reisebyrå.

Turpris kr 16150.-

Depositum kr 2500,- per person må betalast ved bestilling. Restbeløp vert fakturert 6-8 veker før avreise.

kr 2.500,00

Namn på reisande 1

Du må fylle ut dette feltet.
Du må fylle ut dette feltet.
This field can't be Empty
This field can't be Empty

Vel ta reisande før du trykkjer «Legg i korga». Kjøpet vert ikkje gjennomført før du har fullført bestillinga på neste side. 

Prisar

TurprisKr. 16.150,-
Tillegg pr prs utvendig lugar kr 2890.-
Tillegg enkeltrom Thon Hotel Kirkenes kr 600.-
Single lugar på forspurnad
Tillegg for enkeltrom KirkenesKr. 600.-

Inkludert i prisen:

  • 6 netter i delt innv. uspesifisert dobbel lugar
  • Full pensjon Bergen -Kirkenes
  • 2 netter i delt dobbeltrom hotel Thon Hotel Kirkenes
  • 2 frokost, 2 middag på Thon Hotel
  • Transfer Hurtigrute- hotel/hotel-flyplass
  • Heildagutflukt til Pechenga- Nikel og Zapolyarny
  • Visumkostnad, guide og lunsj
  • Turleiar frå Travelnet Fjordane Reisebyrå er med på heile turen

I tillegg til turprisen:

  • Tillegg for lugar og hotelrom åleine
  • All drikke til mat
  • Andre måltid enn skissert
  • Porto for sending av pass
  • Reise frå Oslo til heimstad

Dag 1, måndag 27. april

Avreise frå Bergen kl. 21.30. Vi kan gå om bord tidlegast kl. 16.00, innsjekk på lugar tidlegast kl. 18.00 Middag ombord medan vi ventar på at skipet legg frå kai. Ferda går først til  Florø så over Stadthavet, og når skipet seglar forbi Vestkapp er vi på ope hav for første gong undervegs.

Dag 2, tysdag 28. april

I jugendbyen Ålesund ligg skipet til kai i tre timar, og det er høve til å gå i land for dei som ynskjer det. Langs leia er vi innom Molde og Kristiansund før vi kjem til Trondheim. Her kan du vere med på ein guida tur i Nidarosdomen, eller utforske byen på eiga hand.

Dag 3, onsdag 29. april

Turen går frå Trondheim vidare mot Rørvik. Vi passerer Kjeungskjær fyr der over 6000 holmar og skjær omkransar leia. Etter å ha segla gjennom det tronge Stokksundet, kjem vi til Rørvik, her møter vi også sørgande hurtigrute.

Dag 4, torsdag 30. april

Vi kryssar  Polarsirkelen. Polarsirkelen ligg på 66gr 33min N og markere grensa til Arktis. Kanskje får du vere med på «Polarsirkeldåp» på dekk?

Utpå  kvelden, etter å ha vore innom Bodø, passerer vi Vestfjorden, og den over 1000 m høge Lofotveggen kjem til syne i det fjerne. Eit mektig syn! I Stamsund kan vi bli med på utflukt til Lofotr Vikingmuseum, der Høvdingen ynskjer oss velkomen til  eit fantastisk høvdinghus, rekonstruert i full storleik. Vi seglar vidare gjennom Raftsundet og inn i Trollfjorden.

Dag 5, fredag 1. mai

..seglar vi mot Senja, som også vert kalla «Norge i Miniatyr» før vi kjem til Tromsø. Her ligg skipet til kai i 4 timar, god til til å utforske Ishavsbyen Tromsø  og landemerke her, Ishavskatedralen, inspirert a

av arktisk natur og med ein flott glassmosaikk.

Dag 6, laurdag 2. mai

Vi passerer Nordkapp, 71gr.N  Europa sitt nordlegaste punkt på fastlandet. Nordkapp platået stig 307 meter opp frå  havet, og det er eit storlagent syn å sjå.

I Kjøllefjord i Finnmark, kan  vi få med oss «En smak av Lappland». Dette er ei utflukt der vi vitjar reindriftsfamilien Utsi sin sameleir oppe på fjellet. Vi får sjå reinsdyr, og kanskje prøve på lassokasting?

Dag 7, søndag 3.mai

Vi kjem  til Kirkenes, hovudstaden i Barentsregionen. Landskapet vert meir dramatisk dess nærare vi kjem byen, som berre ligg nokre få km frå den russiske grensa og dei samiske samfunna i Nord Finland.

Dag 8, måndag 4.mai

I dag er det utflukt til Pechenga- Nikel og Zapolyarny

Vi skal på besøk til  vår russiske nabo og gruvebyane Nikel og Zapolyarny med klosteranlegget i Luostari. Området har ei rik og interessant historie og vår kunnskapsrike guide gjer denne turen til ei spennende oppleving. Vi vil sjå at kontrastane mellom den vakre naturen langs grenseelva Pasvik og dei russiske gruvebyane  er store.  Vi set kursen mot aust, og må gjennom pass– og visumkontroll ved den Norsk-russiske grenseovergangen. På veg opp austsida av Pasvikdalen i Russland, vil guiden vår fortelje om grenseoppgangen, koloniseringa, krigar og skiftande nasjonalstatar i området. Første stogg er ved klosteret i Luostari. Klosteret er under oppbygging og viser på ein imponerende måte at Russland vender tilbake til dei åndelige verdiane. Vidare går turen til  byen Zapoljarny, og det vert lunsj på ein russisk restaurant. Tilbake i Nikel tek vi ei runde gjennom byen, og det er tid til besøk i butikkar og på ein russisk marknad. Heimreisa startar kl 16.00, med ankomst Kirkenes rundt kl 17.00 avhengig av tidsbruk ved tollkontrollen på veg inn til Norge.
Erfarne guidar vil syte for ein opplevingsrik tur!

Vi gjer merksam på at det IKKJE er lov til å ta med kvote på vin, brennevin eller sigarettar inn til Norge når ein har vore på dagstur i Russland.

OBS! For turar til Russland treng ein visum. Kostnad for visum, bortsett frå porto, er irekna prisen på turen. Sjå meir iformasjon under VISUM

Dag 9, tysdag 5. mai

Det er heimreisdag. Etter frukost er det transfer til flyplassen i Kirkenes. SAS har avgang kl. 11.30 og landar i Oslo kl. 13.35.
Herifrå er det valfri reise til heimstaden, ikkje irekna turprisen
Travelnet Fjordane Reisebyrå vil hjelpe med tinging.

VISUM

VISUM:

Denne utflukta kjøper Travelnet Fjordane Reisebyrå med Pasvikturist
Visum må bestillast av kvar enkelt deltakar på nett hjå Pasvikturist ; link til dette vert sendt den påmelde på epost.
Alle påmelde må sende pass, passbilde og reiseforsikrings bevis til Pasvikturist, adresse får du hjå Travelnet Fjordane Reisebyrå ved påmelding.
Siste frist for innsending er 4 veker før innreise dato.
Pasvikturist søkjer visum til alle,  i Kirkenes.
Pass og visum blir teke vare på hjå  Pasvikturist,  og guiden deler ut passa i bussen
før turen startar.
Om nokon har trong for passet sitt i mellom tida, eller ikkje kan følgje denne prosedyra, så kan det søkjast frå feb 2020, og passet vert sendt i retur til kunde

MS Trollfjord

Skipet har fått namn etter den kjende Trollfjorden. MS Trollfjord har eit vakkert interiør, og det er brukt norsk tre og stein for å understreke og forsterke følelsen av ei reise langs norskekysten.

MS Trollfjord er flott utsmykka, og  har fleire originale måleri av kunstnaren Kaare Espolin Johnson frå Lofoten. Frå panoramasalongen kan du slappe av og berre nyte det vakre landskapet lang kysten vår.